ဇွန်လတွင် ကျင်းပသော MYPOL ၏ လူစုလူဝေးအား စနစ်တကျ စီမံထိန်းသိမ်ခြင်း သင်တန်းတွင် ရဲတပ်ဖွဲ့ဝင် (၁၅၀)ဦး ပါဝင်တက်ရောက်ခဲ့ကြပါသည်။ ထိုသင်တန်းမှ ထွက်ပေါ်လာသည့် အသံများကို ကျောက်တန်း ရဲတပ်ရင်းဝင်း တစ်ခုလုံးတွင် ရက်သတ္တပတ်(၄)ပတ်တာ ကြားနိုင်ပါသည်။ သို့သော် ထိုဝင်းအတွင်း၌ တက်ရောက်သင်ယူ နေကြသူများမှာ ရဲတပ်ဖွဲ့ဝင်များသာ မဟုတ်ကြပေ။ ထိုရဲတပ်ရင်းဝင်း အတွင်းတွင်  သေးငယ်သော ကျောင်းဆောင်တစ်ခုလည်း တည်ရှိပြီး ကလေးငယ် (၁၈)ဦးသည်လည်း ထိုစာသင်ဆောင်တွင်  နေ့စဉ်တက်ရောက်ပြီး သင်ခန်းစာများကို သင်ယူနေကြပါသည်။

ကလေးငယ်အများစုမှာ ကျောက်တန်းရဲတပ်ရင်းတွင် တာဝန်ထမ်းဆောင်နေကြသော မြန်မာနိုင်ငံရဲတပ်ဖွဲ့မှ ရဲတပ်ဖွဲ့ဝင်များ၏ သားသမီးများ ဖြစ်ကြပြီး အချို့မှာ ထိုပတ်ဝန်းကျင် အနီးအနားမှ ဖြစ်ကြပါသည်။  ထိုကလေးငယ်များသည် သူတို့၏ ဖခင်ကဲ့သို့သော အခြားရဲတပ်ဖွဲ့ဝင်များအား MYPOL မှ နိုင်ငံခြားသား နည်းပြများ သင်ကြားပြသပေးနေမှုများကို သူတို့၏ ကျောင်းစာသင်ခန်း ပြတင်းပေါက်များမှ  မျှော်ကြည့်၍  ပညာရပ်အသစ်များကို ကလေးငယ်များလည်း သင်ယူခဲ့ကြပါသည်။ ထို့နောက် သင်တန်းကာလ၏  နောက်ဆုံး ရက်သတ္တပတ်တွင် သူတို့အတွက် MYPOL နှင့် ဆုံတွေ့ရမည့် အချိန်ရောက်ရှိခဲ့ပါသည်။

MYPOL မှ လူစုလူဝေး စနစ်တကျ စီမံထိန်းသိမ်းခြင်းဆိုင်ရာ အဓိကကျွမ်းကျင်ပညာရှင် Julio Bueno နှင့်အတူ MYPOL မှ နိုင်ငံခြားသားနည်းပြများနှင့် စကားပြန်များသည် သူတို့၏ စာသင်ခန်းသို့ သွားရောက် နှုတ်ဆက်၍ ကလေးငယ်များအတွက် ကျောင်းအသုံးအဆောင်ပစ္စည်းများ ပေးဝေခဲ့ကြပါသည်။

ကလေးငယ်များသည် မျက်နှာစိမ်းသော နိုင်ငံခြားသား ရဲတပ်ဖွဲ့ဝင်များ သူတို့ကျောင်းခန်းအတွင်းသို့  မထင်မှတ်ဘဲ ဝင်ရောက်လာကြသောအခါ အံ့အားသင့်သွားကြသော်လည်း မကြာမီတွင် နွေးထွေးစွာ ကြိုဆိုခဲ့ ကြပါသည်။ ယောက်ျားလေးတစ်ယောက်သည် နည်းပြတစ်ယောက်နှင့် နပန်းလုံးတမ်း ဆော့ကစားခဲ့ပြီး  မိန်းကလေးတစ်ယောက်သည် MYPOL တံဆိပ်ပါသော ဦးထုပ်ကို ဂုဏ်ယူဝင့်ကြွားစွာ ဆောင်းထားသည့်အပြင် ကလေးငယ်များအားလုံးသည်လည်းလက်ဆောင်ပစ္စည်းများပါသောအိတ်ကို မြဲမြံစွာ ကိုင်ထားကြပါသည်။

အဆိုပါ သွားရောက်လည်ပတ်ခြင်းမှာ MYPOL ကြိုးပမ်းဆောင်ရွက်မှု တစ်စိတ်တစ်ဒေသဖြစ်သော စီမံကိန်း၏ သင်တန်းများတွင် ပါဝင်တက်ရောက်နေကြသည့် ရဲတပ်ဖွဲ့ဝင်များအား ကူညီအားပေးမှုကို ပြသခြင်းဖြစ်ပြီး ကလေးငယ်များအား မြန်မာနိုင်ငံရဲတပ်ဖွဲ့နှင့် MYPOL တို့အကြား ပူးပေါင်းဆောင်ရွက်ခြင်းကို နားလည်သဘောပေါက်စေရန် ဖြစ်ပါသည်။ နောင်တစ်ချိန်တွင် ထိုကလေးငယ်များထဲမှ အချို့သည် မြန်မာနိုင်ငံရဲတပ်ဖွဲ့၏ အနာဂတ်မျိုးဆက်သစ်များ ဖြစ်လာနိုင်ပါသည်။