မြန်မာနိုင်ငံဆိုင်ရာ ဥရောပသမဂ္ဂ သံအမတ်ကြီး Mr. Kristian Schmidt သည် MYPOL ၏ ပြည်သူဗဟိုပြု ရဲလုပ်ငန်း သင်တန်းအား သွားရောက်လေ့လာကြည့်ရှုပြီး သင်တန်းသားများနှင့် တွေ့ဆုံခဲ့ပါသည်။ နိုင်ငံတ၀ှမ်းမှ ရဲအရာရှိများ တက်ရောက်နေကြသည့် အဆိုပါ ဆရာဖြစ်သင်တန်းတွင် ရဲ နှင့် ပြည်သူအကြား ယုံကြည်မှု တိုးတက်လာစေမည့် နည်းလမ်းကောင်းများကို အဓိကသင်ကြားပေးနေပါသည်။ မတူညီသည့် အရပ် ဒေသမှ တက်ရောက်လာသည့် သင်တန်းသားအချင်းချင်းကြား အသိပညာဗဟုသုတများ ဖလှယ်နိုင်ရန်လည်း  မျှော်လင့် ထားပါသည်။ ကမ္ဘာတစ်ဝှမ်းတွင်လည်း ပြည်သူဗဟိုပြုရဲလုပ်ငန်း၏ နည်းလမ်းများမှာ ရဲဝန်ထမ်း များနှင့် ရဲလုပ်ငန်းဆိုင်ရာ ၀န်ဆောင်မှုများ၏ ခံယူချက်သဘောထားများ ပြောင်းလဲလာရေးတို့အတွက် အဓိက  သော့ချက်ပင်ဖြစ်ပြီး ပြည်သူလူထု လုံခြုံမှုတိုးတက်လာရေးနှင့် မှုခင်းများကြိုတင်ကာကွယ်နိုင်ရေးတို့  တွင်လည်း သိသာထင်ရှားသည့် အကျိုးရလဒ်များ ရရှိခဲ့ပြီ ဖြစ်ပါသည်။

အလည်အပတ် ခရီးစဉ် အစပိုင်းတွင် သံအမတ်ကြီးနှင့်အတူ ဥရောပသမဂ္ဂ၏ Head of Cooperation Johann Hesse နှင့် ပရိုဂရမ်မန်နေဂျာ Anouk Van Neck တို့သည် ရဲဝန်ထမ်းတစ်ယောက် ပြန်လည်ရှင်းပြနေသည့် ဘက်လိုက်ခြင်း နှင့် ခွဲခြားဆက်ဆံခြင်း သင်ခန်းစာကို သင်တန်းသား ၂၂ယောက်နှင့်အတူ တက်ရောက် ကြည့်ရှုခဲ့ကြပါသည်။

အဆိုပါ ရဲအုပ်မှာ “Allport Scale” ဟု ခေါ်သည့် သင်ခန်းစာကို အဓိကထားတင်ပြနေပြီး အဆိုပါသင်ခန်းစာက  လူ့အဖွဲ့အစည်းတစ်ခုအတွင်း မလိုမုန်းထားခြင်း၊ ဘက်လိုက်ခြင်းကြောင့် အမုန်းစကားမှ စတင်တာ အမြစ် ပြတ်သုတ်သင်ရှင်းလင်းသည်အထိ  ဖြစ်ပေါ်နိုင်သည်ကို သိမြင်စေပါသည်။ ၄င်းက ဆက်လက်ပြီး မလို မုန်းထားခြင်း၊ ဘက်လိုက်ခြင်းနှင့် ခွဲခြားဆက်ဆံခြင်းအကြောင်းကို နားလည်ခြင်းအားဖြင့် ရဲဝန်ထမ်းများ အနေဖြင့် ပြည်သူနှင့်ဆက်ဆံရာတွင် ၄င်းတို့၏ အားနည်းချက်များကို သတိထားမိလာစေကြောင်း ရှင်းလင်း တင်ပြခဲ့ပါသည်။ ယင်းကဲ့သို့သော သင်ခန်းစာကို နားလည်ခြင်းဖြင့် ရဲဝန်ထမ်းများနှင့် နိုင်ငံသားများ ပိုမို  ကောင်းမွန်စွာ ထိတွေ့ဆက်ဆံနိုင်ရန် ကူညီပေးပြီး ၀န်ဆောင်မှု ရှေးရှုသည့် ရဲလုပ်ငန်းများ တိုးတက်လာ  စေခြင်းမှာ MYPOL၏ ပြည်သူဗဟိုပြုရဲလုပ်ငန်းသင်တန်း၏ အဓိက အချက်ပင် ဖြစ်ပါသည်။ MYPOL မှ ရဲဝန်ထမ်းများကို သင်ကြားပေးနေသည့် ပြည်သူဗဟိုပြုရဲလုပ်ငန်းမှာ ရဲများသာ အသုံးပြုနိုင်သည့် နည်းလမ်းတစ်ခုမျှသာမဟုတ်ဘဲ ယင်းအတွေးအမြင်စနစ်များကို ရှုထောင့်မျိုးစုံနှင့် အခြားသော ရဲလုပ်ငန်းဆောင်ရွက်ချက်များ ဖြစ်သည့် မီးရထားရဲ၊ ယာဉ်ထိန်းရဲစသည်တို့တွင်လည်း အသုံးချသ့င်ပါသည်။

ယင်းနောက် သံအမတ်ကြီး Schmidtသည် ရဲမှုးကြီးမျိုးကြည်နှင့်တွေ့ဆုံကာ ဥရောပသမဂ္ဂ၏ ကတိ အတိုင်း မြန်မာနိုင်ငံရဲတပ်ဖွဲ့ ပြုပြင်ပြောင်းလဲရေးအတွက်ပံ့ပိုးကူညီမည့်အကြောင်းများကို လည်း ဆွေးနွေးခဲ့ပါသည်။ ၄င်းက “ မြန်မာနိုင်ငံရဲ့ ပြုပြင်ပြောင်းလဲရေးကာလအတွင်းမှာ တိုးတက်မှုရှိလာစေဖို့ နဲ့ ခေတ်မီတဲ့ ရဲလုပ်ငန်း ၀န်ဆောင်မှုများ သေချာစေဖို့ ဆက်လက်ပြီး လုပ်တွဲလုပ်ဆောင်သွားဖို့ ကျွန်တော်တို့ ဆုံးဖြတ်ထားပါတယ်။” ဟု ပြောကြားခဲ့ပါသည်။

ယင်းအပြင် သံအမတ်ကြီးက ပြည်သူဗဟိုပြုရဲလုပ်ငန်းကြောင့် ဥရောပနိုင်ငံများတွင် နိုင်ငံသားများနှင့် ရဲ လုပ်ငန်းဝန်ဆောင်မှုများအကြား ကောင်းမွန်သည့် အကျိုးရလဒ်များအဖြစ် ယုံကြည်မှုရှိသော ဆက်ဆံရေးများ တည်ဆောက်နိုင်ခဲ့သည်ကိုလည်း ထောက်ပြဆွေးနွေးခဲ့ပါသည်။

သင်တန်းပြီးဆုံးသည့်နောက် သံအမတ်ကြီး Schmidt က သင်တန်းသားများကို သင်တန်းအပေါ် သဘောထားအမြင်များ၊ခံစားချက်များကို မေးမြန်းခဲ့ပါသည်။ ဒုတိယရဲမှုးကြီး တစ်ဦးက “ဒီသင်တန်းက ကျွန်တော်တို့ လုပ်ငန်းခွင်ကို ပြောင်းလဲသွားအောင် ပြုလုပ်နိုင်ပါတယ်။အရမ်းကောင်းတဲ့ သင်တန်းပါ” ဟုပြောကြားခဲ့ပြီး ရဲအုပ်တစ်ဦးကလည်း အောက်ခြေရဲဝန်ထမ်းအဆင့်မှ စတင်ကာ အဆင့်မြင့်အရာရှိကြီး များအထိ ရဲဝန်ထမ်းအားလုံး ယခုသင်တန်းကိုတက်ရောက်သင့်ကြောင်း အကြံပြုပြောကြားခဲ့ပါသည်။ “ဒီသင်တန်းက လူတိုင်းအတွက် ကောင်းမွန်တဲ့ သင်တန်းပါ။ ဒီသင်ခန်းစာကို မြန်မာနိုင်ငံမှာရှိတဲ့ ရဲဝန်ထမ်းအားလုံးကို သင်ကြားမယ့် သင်ရိုးညွန်းတမ်းမှာ စံတစ်ခုအဖြစ် ထည့်သွင်းသင့်ပါတယ်”

MYPOL စိတ်ခံစားမှုဆင်ခြင်နိုင်စွမ်းရည်သင်တန်းများကို ဥပဒေစိုးမိုးရေးဆောင်ရွက်နေသည့် အရာရှိများ ဖြစ်သည့် ရဲဝန်ထမ်းများကို ၂၀၁၇ခုနှစ်၊ နိုဝင်ဘာလမှစတင်ကာ ပြည်သူဗဟိုပြုရဲလုပ်ငန်းစဉ် ဖွံ့ဖြိုးတိုးတက် လာစေရေး ပထမအဆင့်အနေဖြင့် သင်ကြားပို့ချပေးနေပါသည်။ တစ်နိုင်ငံလုံးအတိုင်းအတာဖြင့် ရဲဝန်ထမ်း ဦးရေ ၂၂၀မှာ ယခု ဆရာဖြစ်သင်တန်းကို တက်ရောက်ခဲ့ပြီးဖြစ်ပြီး သင်ယူထားသည့်အသိပညာဗဟုသုများကို ၄င်းတို့၏ လုပ်ဖော်ကိုင်ဖက်များကို ပြန်လည် မျှဝေရန် မျှော်လင့်ထားပါသည်။