နိုင်ငံတကာအမျိုးသမီးများနေ့ : ဒုရဲမှုးကြီး Diana Achard

ဒေါ် Diana Achard ဟာ ၁၉၈၄ ခုနှစ်မှာ မြန်မာနိုင်ငံရဲတပ်ဖွဲ့ကိုစတင်ဝင်ရောက်ခဲ့တာဖြစ်ပါတယ်။ နှစ်သုံးဆယ်ကျော် တာဝန်ထမ်းဆောင်ပြီးနောက်မှာ သူမဟာ မြန်မာနိုင်ငံရဲတပ်ဖွဲ့ရဲ့ အကြီးတန်းအရာရှိ ရာထူးတစ်ခုဖြစ်တဲ့ ဒုရဲမှုးကြီးတစ်ဦးဖြစ်ခဲ့ပါတယ်။

ရဲတပ်ဖွဲ့ဝင်မှာ စတင်တာဝန်ထမ်းဆောင်စဉ်မှာတော့ တောင်ကြီးမြို့၊ မူးယစ်ဆေးဝါးတားဆီးနှိမ်နင်းရေးတပ်ဖွဲ့မှာ အဖွဲ့ငယ်ခေါင်းဆောင်အဖြစ်တာဝန်ထမ်းဆောင်ခဲ့ပါတယ်။”မူးယစ်ဆေးဝါးတားဆီးနှိမ်နင်းရေးမှာ သတင်းအချက်လက်ရရှိဖို့က အဓိက ဖြစ်ပါတယ်။ သတင်းပေးတဲ့သူတွေက အမျိုးသားတွေထက် အမျိုးသမီးတွေကို ယုံကြည်မှုပိုမိုရရှိခဲ့လို့ လုပ်ငန်းတွေ ပိုမိုအောင်မြင်ခဲ့ပါတယ်။” လို့ ဒေါ် Diana က ပြောပါတယ်။

၁၉၉၄ ခုနှစ်မှာတော့ အရှေ့တောင်အာရှရဲ့ မူးယစ်ဆေးဝါးအဓိက နယ်မြေလို့တင်စားရတဲ့ ရွှေကြိဂံ က တာချီလိတ်မြို့ မူးယစ်ဆေးဝါးတားဆီးနှိမ်နင်းအဖွဲ့မှာ ပြောင်းရွှေ့တာဝန်ပေးအပ်ခြင်းခံခဲ့ရပါတယ်။ တိုင်းရင်းသားလက်နက်ကိုင်များပြားတဲ့ဒေသတွေမှာ တာဝန်တွေကို ထမ်းဆောင်ရတဲ့ သူမအဖို့ စိန်ခေါ်မှုများစွာကို ကြုံတွေ့ရင်ဆိုင်ခဲ့ရပါတယ်။

အဲဒီနောက် ဒုရဲမှုးရာထူးဖြင့် မူးယစ်တရားမဝင်ငွေကြေးပစ္စည်းစုံစမ်းစစ်ဆေးရေးအဖွဲ့မှာတာဝန်ထမ်းဆောင်ခဲ့ပါတယ်။ ယင်းကဲ့သို့ တာဝန်ထမ်းဆောင်နေစဉ်အတွင်း သူမဟာ သြစတေးလျ၊ ယူအက်စ်၊ တရုတ် နဲ့ ထိုင်းနိုင်ငံတို့မှာရှိတဲ့ နိုင်ငံတကာ မူးယစ်ဆေးဝါးထိန်းချုပ်ရေးအဖွဲ့စည်းတွေနဲ့ ပူးပေါင်းပြီး သတင်းအချက်လက်မျှဝေခြင်း နဲ့ များပြားလှတဲ့ ပူးတွဲစစ်ဆင်ရေးလုပ်ငန်းတွေကို ဆောင်ရွက်ခဲ့ပါတယ်။

၂၀၁၇ မှာတော့ သူမဟာ နေပြည်တော်၊ နိုင်ငံဖြတ်ကျော်မှုခင်းဌာနကြီး၊ တားဆီးနှိမ်နင်းရေးဌာနမှာ ဒုရဲမှုးကြီးအဖြစ် စတင်တာဝန်ယူဆောင်ရွက်ခဲ့ပြီး ကမ္ဘာတစ်ဝှမ်းမှာရှိတဲ့ နိုင်ငံတကာ အဖွဲ့အစည်းများနဲ့ အတူတကွဆက်သွယ်ဆောင်ရွက်ခဲ့ပါတယ်။

ဒေါ် Diana ဟာ အမျိုးသားရဲတပ်ဖွဲ့ဝင် လုပ်ဖော်ဆောင်ဖက်များကြားမှာ အမျိုးသမီးရဲတပ်ဖွဲ့ဝင်တစ်ဦးအနေနဲ့ အောင်မြင်မှုများစွာကို ရရှိခဲ့သူတစ်ဦးလည်းဖြစ်ပါတယ်။ “ ယေဘုယျအနေနဲ့ ပြောရမယ်ဆိုရင် အမျိုးသမီးတွေက အလုပ်လုပ်တဲ့အခါ စေ့စပ်သေချာတယ်။ မဆုတ်မနစ်ကြိုးစားကြတယ်။ ပြီးတော့ ညှိုနှိုင်းဆောင်ရွက်ရတဲ့အလုပ်တွေမှာအကောင်းဆုံးလုပ်နိုင်ကြတယ်။” လို့ သူမက ဆိုပါတယ်။

မြန်မာနိုင်ငံရဲတပ်ဖွဲ့ဝင်တွေကြားမှာ အောင်မြင်မှုရရှိခဲ့တဲ့ အမျိုးသမီးရဲအရာရှိတွေအနက် ဒေါ် Diana ဟာတစ်ဦးအပါဝင်ဖြစ်ခဲ့ပါတယ်။ ရဲတပ်ဖွဲ့ဝင်မှာ သူမ စတင်ဝင်ရောက်စဉ်က အမျိုးသမီးရဲတပ်ဖွဲ့ဝင်တွေက ၂ ရာခိုင်နှုန်းမျှသာ ရှိခဲ့ပါတယ်။ ယနေ့မှာတော့ ၁၀ ရာခိုင်နှုန်းထိ တိုးလာတဲ့ ပမာဏကို ကြည့်ခြင်းအားဖြင့် အရင်ကထက် ငါးဆခန့် များလာတယ်လို့ ဆိုရမှာပါ။ ယခင်က အမျိုးသမီးတပ်ဖွဲ့ဝင်တွေဟာ  စီမံခန့်ခွဲရေးတာဝန်တွေကိုသာ အများဆုံးလုပ်ဆောင်ခဲ့ရပေမယ့် ယနေ့အချိန်မှာတော့ အများစုဟာ ဒေါ် Dianaဆောင်ရွက်ခဲ့သလိုညှိုနှိုင်းဆောင်ရွက်ခြင်း၊ကြားဝင်ဖျန်ဖြေခြင်းနဲ့သတင်းရယူစုဆောင်းတဲ့တာဝန်တွေကို ဆောင်ရွက်နေပြီဖြစ်ပါတယ်။

ဒါဟာ ရဲတပ်ဖွဲ့ဝင်ထဲမှာရှိတဲ့ အမျိုးသမီးတွေပဲ ပြောင်းလဲလာတာမဟုတ်ပါဘူး။  မြန်မာနိုင်ငံရဲတပ်ဖွဲ့ရဲ့ မြင်သာတဲ့ ပြောင်းလဲလာမှုလည်းဖြစ်ပါတယ်။ မြန်မာနိုင်ငံရဲတပ်ဖွဲ့အနေနဲ့ အမျိုးသမီးရဲတပ်ဖွဲ့ဝင်တွေကို တာဝန်တွေပိုမိုပေးတဲ့အတွက် မြန်မာ့လူအဝန်းအဝိုင်းကို ပိုမိုပြည့်ဝတဲ့ ဝန်ဆောင်မှုကောင်းတွေကို ပေးလာနိုင်တာဖြစ်ပါတယ်။ ဥပမာအနေနဲ့ဆိုရရင် မြို့နယ်စခန်းတွေမှာအမျိုးသမီးရဲတပ်ဖွဲ့ဝင်တွေကို အမှုစစ်တာဝန်တွေ စတင်ထမ်းဆောင်ခွင့်ပြုနေပြီဖြစ်ပါတယ်။ မြို့နယ်တွေမှာ စုံစမ်းစစ်ဆေးရေးလုပ်ငန်းတွေကို ကိုင်တွယ်နိုင်တဲ့ စွမ်းရည်ပိုမိုတိုးတက်လာတာနဲ့အမျှ အမျိုးသမီးအမှုသည်တွေ၊ နစ်နာသူတွေအတွက်ပါ ပိုမိုကောင်းမွန်တဲ့ ဝန်ဆောင်မှုများ ပေးလာနိုင်မှာဖြစ်ပါတယ်။

ရဲတပ်ဖွဲ့မှ အငြိမ်းစားယူပြီးဖြစ်တဲ့ ဒေါ် Diana ဟာ လက်ရှိမှာတော့ MYPOL ရဲ့ ပြည်သူဗဟိုပြုရဲလုပ်ငန်းစဉ်အတွက် အကြီးတန်းအကြံပေးအရာရှိတစ်ဦးအဖြစ်လုပ်ကိုင်နေပါတယ်။ သူမရဲ့ လုပ်ဆောင်မှုများဟာ မြန်မာနိုင်ငံရဲတပ်ဖွဲ့နဲ့ စီမံကိန်းအကြား ပိုမိုနားလည်မှုရှိလာဖို့ အကူညီဖြစ်စေသလို ရဲတပ်ဖွဲ့ဝင်တွေနဲ့ လူထုအကြားဆက်သွယ်ဆောင်ရွက်မှုတွေအတွက်လည်း များစွာအထောက်အပံ့ဖြစ်စေပါတယ်။ သူမအနေနဲ့ ရဲတပ်ဖွဲ့ဝင်မဟုတ်တော့ပေမယ့် မြန်မာနိုင်ငံရဲတပ်ဖွဲ့အတွင်း အမျိုးသမီးများအနေဖြင့် သမရိုးကျ တာဝန်များသာ ထမ်းဆောင်နေရခြင်းမဟုတ်ပဲ အခြားသောအခွင့်အလမ်းများပိုမိုရရှိလာမယ်လို့ ယုံကြည်နေပါတယ်။ MYPOL က ဖွင့်လှစ်တဲ့ သင်တန်းတွေလိုပဲ အခြား သင်တန်းတွေမှာ အမျိုးသမီးရဲတပ်ဖွဲ့ဝင်တွေကို ပိုမိုတက်ရောက်စေခြင်းဟာ မြန်မာနိုင်ငံရဲတပ်ဖွဲ့အတွင်း အမျိုးသမီးရဲအရာရှိတွေအနေနဲ့ စွမ်းဆောင်ရည်များ ယခုထက်ပိုမိုတိုးတက်ပြီး ပြည်သူ့ဝန်ဆောင်မှုများကို ပေးလာနိုင်မှာဖြစ်ပါတယ်။